دامەزرێنەری تویتەر لە تویتێکدا سەبارەت بە بارودۆخی ئەمڕۆی ئینتەرنێت پەشیمانی دەردەبڕێت.
جاک دۆرسی دامەزرێنەری تویتەر لە تویتێکدا ڕایگەیاند، بیری ڕۆژگاری سەرەتای ئینتەرنێت دەکات، کە تێیدا ئەگەری بێکۆتا و بێسنووری گۆڕین و نوێگەری هەبوو و دانیشی بەوەدانا، بەشێکی بەرسپرسیارێتیی بارودۆخی ئێستای ئینتەرنێت لە ئەستۆی ئەودایە.
دۆرسی لە تویتەکەیدا نووسیویەتی، “بەستنەوەی شوناسی ئینەرنێت و داهێنان لەو تۆڕەدا بە کۆمپانیاکانەوە، بەڕاستی زیانی بە تۆڕەکە گەیاند.. دەزانم کە بەشێکی لۆمەکە بۆ منە و پەشیمانم”.
جاک دۆرسی دامەزرێنەر و بەڕێوەبەری جێبەجێکاری پێشووی تۆڕی کۆمەڵایەتیی تویتەر، بەم جۆرە هەڵوێستە ڕەخنەییانەی دەناسرێتەوە و یەکەم جاری نییە دانپێدانانی لەم شێوەیە بکات، چونکە جارێکی دیکەش ڕەخنەی لە وەبەرهێنەران گرتبوو، لەسەر ئەوەی شەپۆلی ئینتەرنێتیی ” Web 3.0″یان قۆرخکردووە.
