وه‌زاره‌تی ته‌ندروستیی عێراق ڕایدەگەیەنێت، هیچ بڕیارێك له ئێستادا نیه بۆ جێبه‌جێكردنی قه‌ده‌غه‌ی هاتوچۆ ئەوەشی باسدەكرێت دوورە لەڕاستییەوە.
روبی فه‌لاح، ئه‌ندامی تیمی ڕاگه‌یاندنی وه‌زاره‌تی ته‌ندروستیی عێراق ڕایگەیاندووە، “هیچ بڕیارێكمان نیە له ئێستادا بۆ جێبه‌جێكردنی بڕیاری قه‌ده‌غه‌ی ته‌واوه‌تی هاتوچۆ، ئەوەشی باسدەكرێت كە له ڕۆژی 1ی ئاب تا 30ی ئه‌و مانگه دوورە له ڕاستیه‌وه”.
ئاماژەی بەوەشكرد، “لیژنه‌ی باڵای ته‌ندروستیی و سه‌لامه‌تی هێشتا هیچ بڕیارێكی له‌باره‌ی قه‌ده‌غه‌ی هاتوچۆ ده‌رنه‌كردووە، هه‌ر بڕیارێكیش هەبێت، هاوڵاتیانی لێ ئاگادارده‌كرێته‌وه”.
به‌هۆی به‌رزبوونه‌وه‌ی ژماره‌ی توشبووانی كۆرۆنا لەعێراق دەنگۆی ڕاگەیاندنی قەدەغەی تەواوەتی بڵاوكرایەوە لە میدیاكانی عێراقدا.
