ئەندامێكی ئەنجومەنی نوێنەرانی عێراق رایدەگەیەنێت، خوێندنەوەی دووەم بۆ هەمواری یاسای بودجەی تایبەت بە تێچووی بەرهەمهێنان و گواستنەوەی نەوتی هەرێمی كوردستان كرا.
د. نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق رایگەیاند، ئەمڕۆ بەپێی كارنامەی دانیشتنی یەكەمی ئەنجومەنی نوێنەران لە وەرزی یەكەمی یاسادانی ساڵی چوارەم خوێندنەوەی دووەم كرا بۆ هەمواری یاسای بودجەی فیدڕاڵی ساڵی 2023 ماددەی 13بڕگەی دووەم/ج.
وتیشی، “ئەو بڕگەیە تایبەت بوو بە تێچووی بەرهەمهێنان و گواستنەوەی نەوتی هەرێمی كوردستان”.
