هاتوچۆی گەرمیان ئاماری سێ ڕۆژی هەڵمەتی دەستبەسەردا گرتنی ئۆتۆمبیلی بێسەرەتا و جام ڕەشی ڕاگەیاند كە لەوماوەیەدا حه‌وت ئۆتۆمبێل ده‌ستیبه‌سه‌ردا گیراوه.
به‌پێی ئامارێكی به‌ڕێوه‌به‌رایه‌تیی هاتوچۆی گەرمیان، “لە 25ی ئه‌م مانگه‌وە لەسەر بڕیار و ڕاسپاردەی قوباد تاڵەبانی، جێگری سەرۆكی حكومەتی هەرێم و بە سەرپەرشتی سەرپەرشتیاری ئیدارەی گەرمیان هەڵمەتی دەستبەسەرداگرتنی ئۆتۆمبێلی بێسەرەتا و جامڕەش و چەكی بێ مۆڵەت لەلایەن مەفرەزەكانی ئاسایش و پۆلیس و هاتوچۆ و پۆلیسی بەرگری و فریاكەوتن دەستیپێكردووه”.
باسلەوەشكراوە، “لە ماوی سێ ڕۆژی ڕابردوودا لە سنووری ئیدارەی گەرمیان، بەهۆی سەرپێچی جۆراوجۆرەوە 136 بەڵگەنامە لە شۆفێران وەرگیراوە و حەوت ئۆتۆمبێل دەستیبەسەرداگیراوە، هه‌روه‌ك هەزار و 115 ئۆتۆمبیل جامی ڕەش و پەرده‌یان لێكراوەتەوە”.
