ئەنجومەنی ئاسایشی نێودەوڵەتی ئیدانەی تەقینەوەكەی چەند ڕۆژی ڕابردووی بەغداد دەكات و داوا لە وڵاتان دەکات چالاكانە پابەندبن بە هەماهەنگیی لەگەڵ حکومەتی عێراق.
لە بەیاننامەیەكدا ئەنجومەنی ئاسایشی نێودەوڵەتی ڕایگەیاندووە،” ئیدانەی ئەو هێرشە دەکەین کە 19ی ئەم مانگە داعش لە تەقینەوەیەكدا لە بەغداد ئەنجامیدا، كە بووە هۆی كوژرانی 30 كەس و برینداربوونی 50 ی دیكە”.
ئەنجومەنی ئاسایش، پشتگیری خۆیان بۆ سەربەخۆیی و سەروەری و خاکی عێراق دووپاتكردووەتەوە.
لە بەشێكی دیكەی بەیاننامەكە هاتووە، “لەسەر وڵاتان پێویستە بە هەموو شێوازێک بەرەنگاری هەڕەشەکانی تیرۆر بۆ سەر ئاشتی و سەقامگیریی جیهان ببنەوە و لەو ڕوانگەیەشەوە پشتگیری بۆ سەقامگیریی عێراق و شەڕی دژی تیرۆر دووپاتبكەنەوە”.
19 ئەم مانگە تەقینەوەیەك لە بازاڕێكی میللی ناوچەی سەدری بەغداد ڕوویدا بەهۆیەوە 30 كەس كوژران و 50 ی دیكە برینداربوون.
