دوای کشانەوەی لە هەڵبژاردنی پەرلەمانی عێراق، موقتەدا سەدر، ڕێبەری ڕەوتی سەدر دەستەی سیاسی ڕەوتەکەی هەڵوەشاندەوە.
لە نوسراوێکدا نوسینگەی موقتەدا سەدر ئاشکرایکردووە ” بە رەچاوکردنی بارودۆخی ئێستا و بەرژەوەندییەکانی گەل و نیشتمان بڕیارماندا بە داخستنی تەیاری سەدر”.
لە بەشێکی دیکەی نوسراوەکەدا ئاماژە بەوەکراوە، کە صار الربيعي والشيخ محمد الموصلي کراونەتە ڕاوێژکاری موقتەدا سەدر.
هەر ئەمڕۆ موقتەدا سەدر ڕێبەری ڕەوتی سەدر بەشدارینەكردنی لە هەڵبژاردنی پێشوەختەی پەرلەمانی عێراق ڕاگەیاند، پشتگیریكردنی خۆشی لە هەموو ئەوانە كشاندەوە كە لە حكومەتی ئێستا و ئایندەدا سەر بە ڕەوتەكەن.
موقتەدا سەدر لە وتارێکدا، ڕایگەیاند، بەشداریی هەڵبژاردنی پێشوەختەی پەرلەمانی عێراق ناكات، بەڵام هیوایخواست هەڵبژاردنەكە سەركەوتوو بێت و كاندیدی باش دەربچن.
سەدر پشتگیریی خۆشی لە حكومەتەكانی ئێستا و ئایندە كشاندەوە و ڕایگەیاند، دەستی لە پشتگیریكردنی خۆی بۆ هەموو ئەوانە كشاندەوە كە “لە حكومەتەكانی ئێستا و داهاتوودا بانگەشەی ئەوە دەكەن سەر بە ڕەوتەكەن”، داوای دوورخستنەوەی گەندەڵكارانیشی كرد.
