نوێنەری نەتەوە یەکگرتووەکان لە عێراق سەردانی چالاکوانە ڕفێندراوەكەی خۆپیشاندانەكانی تشرینی 2019 ی كرد، كە سەرەتای ئەم هەفتەیە لە بەغداد ڕفێندرابوو.
جینین پلاسخارت، نوێنەری نەتەوەیەكگرتووەكان، ئەمڕۆ یەکشەممە لە هەژماری خۆی لە تۆڕی كۆمەڵایەتی تویتەر وێنەیەكی خۆی بڵاوكردەوە كە سەردانی عەلی مکدامی ڕۆژنامەنوس و چالاکوانی خۆپیشاندانەكانی کردووە، لە نەخۆشخانە كە پێشتر لەلایەن گروپێک چەکدارەوە دوای ڕفاندنی ئەشکەنجە دەدرێت و دواتر ئازادكراوە.
پلاسخارت نوسیوویەتی،”ڕێز لە ئازایەتی و دڵسۆزی ئەم ڕۆژنامەنوسە و چالاكوانە دەگرین و سەرکۆنەی ئەو هەڕەشە مەترسیدارانە دەکەین، کە پایەکانی دیموکراسی دەخەنە مەترسییەوە.”
سەرەتای ئەم هەفتەیە، ئەو چالاكوانەی خۆپیشاندانەكانی تشرینی ساڵی 2019 لەلایەن گروپێک چەکدارەوە لە ناوچەی كەڕادەی بەغداد ڕفێندرا، دوای ئەشکەنجەدانیشی دواتر ئازادکرا.
