ئەمشەو، سێشەممە یەکەم ڕوبەڕوبوونەوەی قۆناغی نیوەی کۆتایی یورۆی 2020 ئەنجامدرا، هەڵبژاردەی ئیتاڵیا بردنەوەی بەرامبەر ئیسپانیا تۆمارکرد.
لە ڕوبەڕوبوونەوەیەکی بەهێزدا، هەڵبژاردەی ئیتاڵیا لە یاریگای وێمبڵی لە لەندەن یاری قۆناغی نیوەی کۆتایی یورۆی 2020ی بەرامبەر هەڵبژاردەی ئیسپانیا ئەنجامدا، (90) خولەکی یاسایی یارییەکە بە ئەنجامی یەکسانبوون (1-1) کۆتاییهات.
گۆڵەکەی ئیتاڵیا لە خولەکی 60 لەلایەن فیدریکۆ کیێزا، گۆڵەکەی ئیسپانیاش لە خولەکی 81 لەلایەن ئەلڤارۆ مۆراتاوە تۆمارکران.
بە ناچارییەوە پەنا بۆ کاتی زیادکراوبرا، لە کاتە زیادکراوەکاندا هیچ یەکێک لە دوو جەمسەری ڕوبەڕوبوونەوەکە سەرکەوتوو نەبوون لە تۆمارکردنی گۆڵ و لێدانی یەکلاکەرەوە ئەنجامەکەی یەکلاییکردووە.
https://streamable.com/39trnq
بە لێدانی یەکلاکەرەوە، هەڵبژاردەی ئیتاڵیا بە ئەنجامی (4- 2) بردنەوەی تۆمارکرد.
https://streamable.com/5s41vr
بەپێی ئەنجامی تۆمارکراوەکە، ئیتاڵیا بلیتی یاریی کۆتایی جامی نەتەوەکانی ئەوروپای بڕی و لە چاوەڕوانی براوەی یاری نێوان ئینگلتەرا و دانیمارکدا دەبێت.
