قائیمقامیهتی سلێمانی ئاماری كار و چالاكیهكانی مانگی ڕابردووی لیژنه هاوبهشهكانی بڵاوكردەوە و ئاشكرایدەكات، زیاتر له پێنج ههزار سهردانیان ئهنجامداوه و 49 شوێنیشیان داخستووە.
لە ڕاگەیەندراوێكدا قائیمقامیەتی سلێمانی ئاماژەی بەوەكردووە، لەماوەی مانگی ڕابردوودا سەردانی پێنج ههزار و 830 دوكان و بازاڕ و شوێنه گشتییهكانیان ئهنجامداوە، تیایدا 561 پسووڵهی سهرپێچییان بۆ شوێنهكان تۆمارکردووە، كه بهشێكی زۆری سهرپێچییهكان کەمتەرخەمی خاوەنی شوێنەکان بووه، ههروهها 313 شوێنیشیان ئاگاداركردووهتهوه پابەندی مەرج و ڕێنماییەکانی کارکردن بن .
لە ئامارەكەدا ئەوەشهاتووە، بههۆی جێبهجێنهكردنی ڕێنماییهكانی تهندروستی و ڤێتێرنهری و مهرجهكانی دیكهی كاركردن، لیژنه هاوبهشهكانی قائیمقامیهتی سلێمانی لەمانگی ڕابردوودا 49 شوێنیان داخستووە، یهك شوێنیشیان ڕوبهڕووی دادگا كردووهتهوه .
قائیمقامییەتی سلێمانی ئلشكراشیكردووە، هەر له مانگی ڕابردوودا له ئهنجامی پشكنینه بهردهوامهكانیان، لهلایهن لیژنهكانی قائیمقامیهتی سلێمانی و ئاسایشی ئابوری، دهستیان بهسهر بڕێكی زۆر كاڵا و شمهك و خواردهمهنی خراپ و ماوهبهسهرچوودا گرتووه، كه كۆی گشتی 74 تۆن و 520 كیلۆگرامه و له دهرهوهی ناوچهی نیشتهجێبوون لهناودهبرێت.
هەر لە ئامارەكەدا هاتووە، بههۆی دووبارەكردنهوهی سهرپێچییهوه، لیژنه هاوبهشهكانی قائیمقامیهتی سلێمانی بە بڕێك پاره غرامهی چەند شوێنێكیان کردووە، كه بڕهكهی 42 ملیۆن و 975 ههزار دینار بووە و بهپێی یاسا دهخرێتهوه سهر داهاتی گشتی .
