ئەندامێكی ئەنجومەنی نوێنەرانی عێراق رایدەگەیەنێت، هەژماری من لە پێنج بانكی ئەهلی پێكهاتووە كە ئەگەری هەیە رۆژێك ئەو بانكانە مایەپووچبوونی خۆیان رابگەیەنن و پارەی مووچەخۆران بفەوتێت و مەترسییە لە بانكە فیدڕاڵییەكانی عێراق نییە.
د. بڕیار رەشید ئەندامی ئەنجومەنی نوێنەرانی عێراق رایگەیاند، لەگەڵ وەفدێكی هەژماری من لە بەغداد كۆبووینەوە و گفتوگۆ لەبارەی پڕۆژەكە و شێوازی سیستمەكە كراوە كە وەفدی هەژماری من پێیان راگەیاندین هیچ جیاوازییەك لە نێوان پڕۆژەی هەژماری من و بە نیشتمانیكردنی مووچە لە بانكە عێراقییەكاندا نییە، پرسیاری ئەوانیش ئەوە بووە، ئەگەر هیچ جیاوازییەك نییە لە نێوانیاندا بۆچی رێگا بە بەنیشتمانی كردنی مووچە نادرێت.
ئەو پەرلەمانتارە جەختیكردەوە و وتیشی، “هەژماری من لە پێنج بانكی ئەهلی پێكهاتووە كە ئەگەری هەیە رۆژێك ئەو بانكانە مایەپووچبوونی خۆیان رابگەیەنن و پارەی هاوڵاتییان بفەوتێت، بەڵام ئەو گرفتە لە بانكە فیدڕاڵییەكانی عێراق ئەگەری زۆركەمترە”.
