ئەمشەو، سێشەممە ڕوبەڕوبوونەوەیەکی دیکەی قۆناغی (16)ی یورۆی 2020 ئەنجامدرا، هەڵبژاردەی ئینگلتەرا بردنەوەی بەرامبەر ئەڵمانیا تۆمارکرد.
لە ڕوبەڕوبوونەوەیەکی بەهێزدا، هەڵبژاردەی ئینگلتەرا لە یاریگای ویمبڵی یاری قۆناغی 16ی یورۆی 2020ی بەرامبەر هەڵبژاردەی ئەڵمانیا ئەنجامدا، یارییەکەش بە ئەنجامی دوو گۆڵی بێوەڵام لەبەرژەوەندی سێ شێرەکەی ئینگلتەرا کۆتاییهات.
گۆڵەکانی ئینگلتەرا لە خولەکەکانی 75 و 86 لەلایەن ڕەحیم ستێرلینگ و هاری کەینەوە تۆمارکران.
https://streamable.com/gqvyfc
بەپێی ئەنجامی تۆمارکراوەکە، ئینگلتەرا بووە حەوتەمین هەڵبژاردە دوای دانیمارک و ئیتاڵیا و چیک و بەلجیکا و ئیسپانیا و سویسرا سەرکەوتن بۆ قۆناغی چارەکی کۆتایی جامی نەتەوەکانی ئەوروپا تۆماردەکات، لە قۆناغی داهاتووشدا ڕوبەڕوی براوەی یاری نێوان سوید و ئۆکرانیا دەبنەوە.
