ئەمشەو، شەممە یەکەم ڕوبەڕوبوونەوەی قۆناغی (16)ی یورۆی 2020 ئەنجامدرا، هەڵبژاردەی دانیمارک بردنەوەی بەرامبەر وێڵز تۆمارکرد.
لە ڕوبەڕوبوونەوەیەکی بەهێزدا، هەڵبژاردەی دانیمارک لە یۆهان کرۆیف ئارینا لە هۆڵەندا یاری قۆناغی 16ی یورۆی 2020ی بەرامبەر هەڵبژاردەی وێڵز ئەنجامدا، یارییەکەش بە ئەنجامی چوار گۆڵی بێوەڵام کۆتاییهات.
گۆڵەکانی دانیمارک لە خولەکەکانی 27 و 48 و 88 و 94 لەلایەن کاسپەر دۆڵبێرگ (دوو گۆڵ) و جواکیم مایهلی و مارتن برەیزوایتەوە تۆمارکران.
https://streamable.com/7jq6fv
بەپێی ئەنجامی تۆمارکراوەکە، دانیمارک بووە یەکەمین هەڵبژاردە کە سەرکەوتن بۆ قۆناغی چارەکی کۆتایی جامی نەتەوەکانی ئەوروپا بەدەستدەهێنێت، ئەوەش دوای ئەوەی لە یەکەم روبەڕوبوونەوەی قۆناغی کۆمەڵەکان بەهۆی نەخۆشکەوتنی کریستیان ئیریکسنەوە دووچاری ئاستەنگی هاتن و نزیکبوو ماڵئاوایی لە پاڵەوانێتییەکە بکەن.
