ئاسۆ حه‌وێز، وته‌بێژی وه‌زاره‌تی ته‌ندروستیی هه‌رێم له ڕاگه‌یه‌ندراوێكدا ئاماژه‌ی به‌وه‌كرد، “دوابەدوای بڵاوبوونەوەی گرتە ڤیدیۆیەك كە هێرش دەكرێتە سەر كارمەندێكی دەرمانخانە بە هەڵسوكەوتێكی ناشارستانی و دوور لە مرۆڤایەتی، لەسەر ڕاسپاردەی بەرێز وەزیری تەندروستی و لە رێگەی بەڕێوبەرایەتیی پشكنین و بەدواداچوون و بەشی یاسایی، بەدواداچوون لەم ڕوداوە دەكرێت و ڕێكاری یاسایی دەگرینەبەر”.
وته‌بێژی ته‌ندروستیی هه‌رێم ئه‌وه‌شی وتووه، “لێرەوە جارێكی تر جەخت دەكەینەوە و داوا لە وەزارەتی ناوخۆ دەكەین لەپێناو پاراستنی ماف و گیانی پزیشكان و كارمەندانی تەندروستی و فەرمانبەرانی دامودەزگا تەندروستییەكان لە كەرتی گشتی و کەرتی تایبەت ڕێكاری یاسایی بگیرێتەبەر بۆ دووبارەنەبوونەوەی ئەم جۆرە ڕەفتار و ڕوداوانە، داواش لە هاووڵاتیان دەكەین بە گیانێكی مرۆڤدوستانە مامەڵە لەگەڵ دامودەزگا تەندروستییەكان بكەن”.
له گرته‌یه‌كی ڤیدیۆییدا كه له كامێرای چاودێریی ده‌مانخانه‌یه‌كی هه‌ولێره‌وه تۆمار كراوه، ده‌رده‌كه‌وێت دوو چه‌كدار هێرش ده‌كه‌نه سه‌ر ته‌ندروستكارێك و به خراپی لێی ده‌ده‌ن.
ڤیدیۆی په‌یوه‌ندیدار..
