جەبار گۆران وتەبێژی بازاڕی دراوەكەی سلێمانی لە لێدوانێكدا بە تۆڕی میدیایی ئێستای راگەیاند، ئێوارەی ئەمڕۆ لەكاتی داخستنی بازاڕی دراو بەهای دۆلار دابەزینی بەخۆوە بینی و بەهای 100 دۆلار دابەزی بۆ 144 هەزار و 500 دینار.
راشیگەیاند، ئەگەر سبەینێ بانكی ناوەندیی عێراق دۆلاری زیاتر بخاتە بازاڕەوە پێشبینیدەكرێت بەهای دۆلار دابەزینی زیاتر بەخۆوە ببینێت.
ئاشكراشیكرد، لە ماوەی دوو رۆژی رابردوودا بەهای 100 دۆلار بەرامبەر دیناری عێراقی 4 هەزار دینار دابەزیوە.
