ئەمشەو، پێنجشەممە لە چوارچێوەی یارییەکانی گەڕی دووەمی قۆناغی کۆمەڵەکانی یورۆی 2020، ڕوبەڕوبوونەوەی نێوان هەڵبژاردەکانی بەلجیکا و دانیمارک ئەنجامدرا، یارییەکە بە بردنەوەی بەلجیکا کۆتاییهات.
لە ڕوبەڕوبوونەوەیەکی بەهێزدا، هەڵبژاردەی بەلجیکا لە پارکن ستادیەم دووەم یاری یورۆی 2020ی بەرامبەر هەڵبژاردەی دانیمارک ئەنجامدا، یارییەکەش بە ئەنجامی دوو گۆڵ بەرامبەر گۆڵێک لەبەرژەوەندی ڕۆمیلو لوکاکو و هاوەڵانی کۆتاییهات.
گۆڵەکەی دانیمارک لە خولەکی دوو لەلایەن یوسف پوڵسن، گۆڵەکانی بەلجیکا لە خولەکەکانی 54 و 70 لەلایەن تۆرگان هازارد و کیڤن دی برۆینەوە تۆمارکران.
بەپێی ئەنجامی تۆمارکراوەکە، بەلجیکا بە کۆکردنەوەی شەش خاڵ بلیتی قۆناغە یەکلاکەرەوەکانی یورۆی 2020ی بڕی، دانیمارکییەکانیشیان لە گەیشتن بەهەمان قۆناغ بێهیواکرد.
