ئەمڕۆ پێنجشەممە یانەی ڕیاڵ مەدرید بۆندی لوکاس ڤاسکێزی نوێکردەوە و سەرچاوەکانی هەواڵ دووپاتیدەکەنەوە، نوێکردنەوەی بۆندی ناچۆ فێرناندێز نزیکە.
دوای ئەوەی یانەی شاهانە بەفەرمی نوێکردنەوەی بۆندی ڤاسکێزی تاوەکو 2024 ئاشکراکرد، تۆڕی (ABC) ئیسپانی بڵاویکردەوە، ناچۆ فێرناندێزی تەمەن 29 ساڵ بە تەواوی وردەکاری بۆندی نوێی لەگەڵ یانەی شاهانە قایلبووە و لە چەند کاتژمێری داهاتوودا گرێبەستی ئەو یاریزانەش نوێدەکرێتەوە.
ناچۆ لەم وەرزەدا بەشێوەی سەرەکی پشت بەتواناکانی نەبەستراوە، بەڵام یەکێکبووە لە یاریزانە گرنگەکان بەتایبەت لە کاتی پێکانی ڤاران و ڕامۆس هاوشانی میلیتاو ڕۆڵێکی گەورەی گێڕا، پێدەچێت کارلۆ ئەنچلۆتی ڕاهێنەری نوێ بە ئاشکرا ویستی لەسەر نوێکردنەوەی بۆندەکەی نیشانداوە.
👕 @Lucasvazquez91 renews deal until 2024.#RealMadrid | #LucasVázquez2024 pic.twitter.com/vxyFrlOu1M
— Real Madrid C.F. 🇬🇧🇺🇸 (@realmadriden) June 3, 2021
یەکێکی دیکە لەو گرێبەستانەی بەرپرسانی “لۆس بلانکۆس” کاریان لەسەرکردووە و نزیکە ئاشکرایبکەن، گەڕانەوەی ئەنتۆنیۆ پینتۆسی ڕاهێنەری جەستەیی پێشووی پێکهاتەکەیە، کە لە هاوینی 2019 لەگەڵ زینەدین زێدان دووچاری کێشە هات و ڕوویکردە یانەی ئینتەرمیلان.
