وەزارەتی تەندروستیی ڤێتنام ئاشکرایکرد، زنجیرەیەکی نوێی کۆرۆنایان تۆمارکردووە، کە لە یەكگرتنی هەردوو زنجیرەی کۆرۆنای بەریتانی و هیندی دروستبووە.
نگوین لۆنگ، وەزیری تەندروستیی ڤێتنام ڕایگەیاند، پشکنینەکان بۆ ژمارەیەک لەو کەسانەی توشی زنجیرە نوێکە بوون، دەریخستووە لەیەککاتدا هەردوو جۆری کۆرۆنای گۆڕاوی بەریتانی و هیندی لە توشبووەکاندا هەیە.
ڕۆژنامەی VnXpress لەزاری وەزیری تەندروستیی ڤێتنامەوە ئاشکرایکرد، جۆرە ڤێتنامییەکەی کۆرۆنا بەراورد بە covid-19، بکوژترە و خێراتریش لەڕێگەی هەواوە بڵاودەبێتەوە.
پێشتریش ڕێکخراوی تەندروستیی جیهانیی نیگەرانیی ڕێکخراوەکەی لە ئەگەری سەرهەڵدانی زنجیرەی دیکەی کۆرۆنا خستەڕوو و ڕایگەیاند، “نیگەرانین لە سەرهەڵدانی زنجیرە نوێیەکانی کۆرۆنا کە بکوژترن و دەڵیت کۆرۆنا تەنها بەو مەرجە کۆتاییدێت کە %70ی دانیشتوانی جیهان ڤاکسین وەربگرن”.
