بەڕێوەبەرانی یانەی بەرشلۆنە، ئەمڕۆ سێشەممە کۆبوونەوەیان لەگەڵ لێپرسراوی کارەکانی جۆرجینیۆ ڤایناڵدومی هۆڵەندی چڕکردووەتەوە.
یانەی بەرشلۆنە پڕۆسەی نوێکردنەوەی پێکهاتەکەی دەستپێکردووە، بۆ ئەم مەبەستە پەیوەندییەکانیان لەگەڵ جۆرجینیۆ ڤایناڵدومی ناوەندکاری هۆڵەندیی یانەی لیڤەرپوڵ چڕکردووەتەوە.
بەپێی ئەو زانیارییانەی لەلایەن ڕۆژنامەکانی مارکا و موندۆ دیپۆرتیڤۆی ئیسپانییەوە بڵاوکراونەتەوە، ئەمڕۆ سێشەممە، یان کابات، پارێزەر و لێپرسراوی کارەکانی ڤایناڵدوم سەردانی نوسینگەکانی کامپ نوی کردووە، کۆبوونەوە لەبارەی گواستنەوەی یاریزانەکە بۆ ڕیزەکانی ئازولگرانا ئەنجامدراوە، بەڵام ئەنجامی کۆبوونەوەکان ئاشکرانییە.
مارکا نوسیویەتی، پەیوەندی نێوان ڤایناڵدوم و ئیدارەی بارسا نوێ نییە، بەڵکو چەند مانگێکە بەردەوامە، تەنانەت یاریزانی ناوبراو ئۆفەرێکی یانەی بایرن میونشنی لە پێناو یانەی بەرشلۆنەدا ڕەتکردووەتەوە.
