لە بەغداد ئامادەكاری بۆ خۆپیشاندانێكی گەورە دەكرێت

پێشبینیدەكرێت ببێتە دەستپێكی سەرهەڵدانەوەی ناڕەزایەتییەكان

چالاكوانان و گروپەكانی ڕێكخەری ناڕەزایەتییەكان، ئامادەكاری بۆ خۆپیشاندانێكی گەورە دەكەن، كە بڕیارە سبەی لە بەغدادی پایتەخت بەڕێوەبچێت.

چالاكوانان و گروپەكانیان ماوەی چەند ڕۆژێكە لە ئامادەكاریدان بۆ ڕێكخستن و ئەنجامدانی خۆپیشاندانێكی گەورە و سبەی سێشەممە دیاریكراوە بۆ ئەنجامدانی.

پێشبینیدەكرێت خۆپیشاندانەكە ببێتە دەستپێكی سەرهەڵدانەوەی ناڕەزایەتییەكان، دوای دامركانەوەی خۆپیشاندانەكانی پێشوو، كە بە “تشرین” ناسرابوو و لە 1ی تشرینی یەكەمی 2019 سەریهەڵدا.

بەپێی میدیاكان، چالاكوانان سێ شوێنیان وەك ناوەندی بەڕێوەچوونی خۆپیشاندانەكان دیاریكردووە، ئەوانیش، گۆڕەپانەكانی فیردەوس، تەحریر و نسور-ە لە بەغداد.

سایتی RTی ڕوسی بڵاویكردوەتەوە، دروشم و هوتافی خۆپیشاندەران پەیوەندیدارە بە دژایەتیی گەندەڵی، لێپێچینەوە لە بكوژانی خۆپیشاندەران و چالاكوانان و هەروەها بوونی چاودێریی نێودەوڵەتی بەسەر هەڵبژاردنەكانەوە.

لەسەر زاری چالاكوانانیشەوە بڵاویكردوەتەوە، “داخوازییەكانی پێشوویان نەهاتووەتەدی، بۆیە جارێكی دیكە دەگەڕێنەوە بۆسەر شەقام”.

ساڵی ڕابردوو بە بەڵێنی مستەفا كازمی، سەرۆك وەزیرانی عێراق دەربارەی بەجێگەیاندنی داخوازییەكانیان، خێوەتی مانەوەی خۆپیشاندەران لە بەغداد هەڵگیرا.

بابەتی پێشتر

گەرمیان.. هێرش دەکرێتە سەر بنکەیەکی هاتوچۆ و دوو کارمەند بریندار دەبن

بابەتی دواتر

گەرمیان.. منداڵێک لە ئاوی پاشماوەی غەسلێكی ئۆتۆمبێلدا خنکا

بابەتی پەیوەندیدار
زیاتر ببینە

عێراق دوو ملیار دینارى بۆ به‌ره‌نگاربوونه‌وه‌ى لافاو له‌ هه‌رێمى كوردستان ته‌رخانكرد

ئه‌نجومه‌نى وه‌زیرانى عێراق بڕی دوو ملیار دینارى له‌ بودجه‌ى فریاگوزاریی بۆ به‌ره‌نگابوونه‌وه‌ى لافاو له‌ هه‌رێمى كوردستان ته‌رخانكرد. ئەرکان…
Total
0
Share