ڕافائێل نادالی ئیسپانی ئەستێرەی ناوداری بواری تێنسی سەرزەوی، بۆ دەیەمجار لە مێژوویدا نازناوی ماستەرزی ڕۆمای 2021ی بەدەستهێنا.
ئەمڕۆ، یەکشەممە یاری کۆتایی ماستەرزی ڕۆما لە نێوان ڕافائێل نادال و نۆڤاک دیۆکۆڤیچی سڕبی ئەنجامدرا و یارییەکە بە ئەنجامی دوو کۆمەڵە بەرامبەر کۆمەڵەیەک لەبەرژەوەندی ئەفسانە ئیسپانییەکە کۆتاییهات.
کۆمەڵەی یەکەم بەهۆی هێزی هەردوو یاریزانە ناودارەکەوە درێژەی کێشا و (7-5) بە خاڵی زیادکراو لەبەرژەوەندی نادال کۆتاییهات.
لە کۆمەڵەی دووەمدا دیۆکۆڤیچ بەهێزەوە گەڕایەوە و بە ئەنجامی (1-6) بردنەوەی تۆمارکرد و یەکلاکردنەوەی ئەنجامەکەیان خستە کۆمەڵەی سێیەم و کۆتاییەوە.
🏆🏆🏆🏆🏆🏆🏆🏆🏆🏆
CHAMP10N@RafaelNadal #IBI21 pic.twitter.com/LuXc3WEYnq
— Tennis TV (@TennisTV) May 16, 2021
کۆمەڵەی سێیەم بە ئەنجامی (6-3) لە بەرژەوەندی نادالی ئیسپانی کۆتاییهات. کۆی ماوەی یارییەکەش بە دوو کاتژمێر و 49 خولەک کۆتاییهات.
نازناوی ماستەرزی ڕۆما دەیەمە لە مێژووی یاریزانە ئیسپانییەکەدا کە دەیچنێتەوە.
