لە هەرێمی كوردستان 636 كەسی دیكە توشی كۆرۆنا بوون، زیاتر لە هەزار توشبووش چاكبوونەوە، لەئێستادا زیاتر لە 14 هەزار توشبوو چارەسەری پزیشكی وەردەگرن.
بەپێی ئامارەكانی وەزارەتی تەندروستی، لە 24 كاتژمێری ڕابردوودا لە 8 هەزار و 266 پشكنین، 636یان پۆزەتیڤ و توشبوو بوون، 6 توشبووش گیانیان لەدەستداوە، لە بەرامبەردا هەزار و 46 كەس چاكبوونەتەوە.
تا ئێستا لە هەرێمی كوردستان 159 هەزار و 537 كەس توشی كۆرۆنا بوون، 4 هەزار و 137یان گیانیان لەدەستداوە، 141 هەزار و 307 توشبووش چاكبوونەتەوە، لەئێستادا 14 هەزار و 93 توشبوو چارەسەری پزیشكی وەردەگرن.
