دەستەی ژینگەی هەرێم لە نوسراوێکدا بۆ ئەنجومەنی وەزیرانی هەرێم، ئاماژە بەوەدەکات کە ماوەیەکی زۆرە خاوەن کارگەکانی چەو و لم لە گەرمیان بەشێک لە سروشتی ڕوباری سیروانیان بۆ کارەکانیان تێکداوە.
ده‌سته‌ی ژینگه داوای پێكهێنانی لێژنه‌یه‌ك ده‌كات له لایه‌نه په‌یوه‌ندیداره‌كان سه‌باره‌ت به مۆڵه‌تی کارگەکانی چه‌و و لم بەگشتی.
دەستەی ژینگەی هەرێم ئاماژە بەوەدەکات، ” پێمان باشه به چاوێكی ژینگه پارێزییه‌وه لیژنه‌یه‌ك پێكبهێنرێت، له لایه‌نه په‌یوه‌ندیداره‌كان بۆ ئه‌وه‌ی ڕێگه‌چاره‌ی گونجاو بگیرێته به‌ر بۆ پابه‌ندكردنی ئه‌و كارگانە، هەروەها هه‌ڵوه‌شاندنه‌وه‌ی مۆڵه‌ت و لادانی ئه‌و كارگه و كانانه‌ی چه‌و و لم كه پابه‌ند نابن ، به‌تایبه‌ت، كه ئه‌مساڵ له زۆر ناوچه‌دا زه‌نگی وشكه ساڵی لێدراوه و، ئیداره‌دانی ئاویش میكانیزمی نوێی ده‌وێت”.
ماوه‌یه‌كی زۆره ده‌یان كارگه و كانه‌كانی چه‌و و لم له‌سه‌ر هه‌ندێك له ڕوباره‌كانی هەرێمدا بوونه‌ته هۆی تێكدانی سروشت و ژینگه‌ی كوردستان ، هه‌ندێكیان بێ موڵه‌تن و، هه‌ندێكیشیان ده‌ڵێن كه مۆڵه‌تی كاركردنیان لای وه‌زاره‌تی سامانه سروشتییه‌كانه.
لەبارەی تێکدانی سروشتی ڕوباری سیروان بینەری ئەم ڕاپۆرتە بە، کلیک لێرەبکە
