لە سنونێ-ی شەنگال تەرمی كوڕ و كچێك دۆزرانەوە، گوللـە بە جەستەیانەوەیە، بەوتەی سەرچاوەیەك، “خۆشەویستی یەكتر بوون”.
پولیسی ناحیەی سنونێ-ی سەر بە قەزای شەنگال ئاشكرایكرد، بەیانی ئەمڕۆ لەنێوان كۆمەڵگاكانی بورك و دهۆلا لە سنووری سنونێ تەرمی كوڕ و كچێكیان دۆزیوەتەوە “کە بە گوللـە کوژراون”.
کوڕەکە تەمەنی 28 ساڵە و کچەکەش 21 ساڵ، تەرمەکانیان لە پزیشکی دادی موسڵە.
لە بارەی هۆکاری کوشتنەکەوە، سەرچاوەیەک لە ناحیەی سنونێ کە نەیویست ناوی ئاشكرا بكرێت، بە تۆری میدیایی ئێستای ڕاگەیاند، “کوڕ و کچەکە ئێزدین، بەڵام تیرەیان جیاوازە و خۆشەویستی یەکتر بوون، لەلایەن کەسوکارەکانیانەوە کوژراون”.
