سەرۆکایەتی شارەوانی هەولێر لە ڕونکردنەوەیەکدا ئاشکرایکرد، بەشێک لە کارمەندانی پاککەرەوە داوای پارەی جەژنانە لە هاوڵاتییان دەکەن و لەکاتی ڕەتکردنەوەی داواکەیان خۆڵ و خاشاکی بەردەم ئەو ماڵە پاکناکەنەوە.
سەرۆکایەتی شارەوانی هەولێر لە ڕونکردنەوەیەکدا دەڵێت، ” بڕیاری ڕێگریکردن لە پێدانی پارە لەلایەن هاونیشتیمانیانەوە بە کارمەندان و کرێکارانی کۆکردنەوەی زبڵ و خاشاک، دوای ئەوە هات کە ژمارەیەکی زۆر لە هاوڵاتییان گلەیی ئەوەیان کرد، بەشێک لە کرێکار و کارمەندانی کۆکردنەوەی زبڵ و خاشاک داوای پارە دەکەن بەناوی جەژنانە و هەر کەسێک پێیان نەدات ماڵەکەی نیشان دەکەن زبڵ و خاشاکی کۆناکەنەوە”.
سەرۆکایەتی شارەوانی هەولێر ڕاشیگەیاندووە، کە ئەو حاڵەتە سەرپێچییە و بەهیچ شێوەیەک قبوڵ ناکرێت.
