ئەمشەو، چوارشەممە لە چوارچێوەی ڕوبەڕوبوونەوەکانی هەفتەی 32ی خولی پلە یەکی ئیتاڵیا، یانەی یوڤانتۆس بردنەوەیەکی گرنگی بەرانبەر پارما تۆمارکرد و ئینتەرمیلان بەرانبەر سپیزیا یەکسانبوو.
یوڤانتۆس لە یاریگای خۆیدا میوانداری پارمای کرد و یاری نێوانیان بە ئەنجامی سێ گۆڵ بەرانبەر گۆڵێک لە بەرژەوەندی کوڕانی پێرلۆ کۆتاییهات.
گۆڵەکانی بیانکۆنێری لە خولەکەکانی 43 و 47 و 68 لەلایەن ئالێکس ساندرۆ (دوو گۆڵ)، ماتیاس دی لێخت، تاکە گۆڵەکەی پارما لە خولەکی 25 لەلایەن جاستۆن برۆگمانەوە تۆمارکران.
https://streamable.com/nu4r2e
لەلایەکی دیکەوە یانەی میلان بە ئەنجامی دوو گۆڵ بەرانبەر گۆڵێک دۆراندنی بەرانبەر ساسولۆ تۆمارکرد، هەروەها ئینتەرمیلان لە ستاد ئالبێرتۆ پیکۆ یەکسانبوونی بە ئەنجامی (1-1) بەرانبەر سپیزیا نوسییەوە.
گۆڵەکەی ئینتەر لەخولەکی 39 لەلایەن ئیڤان پێریسیچ و گۆڵەکەی سپیزیا لە خولەکی 12 لەلایەن دیێگۆ فاریاسەوە تۆمارکران.
https://streamable.com/lfe9ar
بەپێی ئەنجامە تۆمارکراوەکان، ئینتەر بە کۆکردنەوە 76 خاڵ و جیاوازی 10 خاڵ بەرانبەر میلان لە پلەی یەکەمدا جێگیربوو، یانەی یوڤانتۆسیش ژمارەی خاڵەکانی لە کۆی 32 یاری وەرزی 2020/2021 گەیاندە 65 و لە پلەی سێیەمی ڕیزبەندی یانەکانی کالچیۆ بە جیاوازی خاڵێك لەدوای یانەی میلانەوە جێگیربوو.
ئەنجامە تۆمارکراوەکان:
میلان 1-2 ساسولۆ
جێنەوا – بینیڤێنتۆ
ئودینێزی 0-1 کالیەری
سپیزیا 1-1 ئینتەرمیلان
یوڤانتۆس 3-1 پارما
کرۆتۆنی 0-1 سامپدۆریا
بۆلۆنیا 1-1 تۆرینۆ
