یانەکانی نیو ئۆرلیانز پیلیکانز و مینیسۆتا تێمبەروڵڤز لەم هەفتەیەی خوولی یانە پیشەگەرەکانی ئەمریکا ڕووبەڕووبوونەوە و پیلیکانز بردنەوەی تۆمارکرد.
لە چێوەی یارییەکانی هەفتەی 42ی خوولی یانە پیشەگەرەکانی ئەمریکا، یانەی نیو ئۆرلیانز پیلیکانز لە یاریگای سمۆزی کینگ سەنتەر میوانداریی تیمی مینیسۆتا تێمبەروڵڤزی کرد، یارییەکەش بە ئەنجامی (128-125) لە بەرژەوەندیی یانەی خانەخوێ کۆتاییهات.
براندۆن ئینگرام، ئەستێرەی تیمی نیو ئۆرلیانز باشترینی تیمەکەی بوو بە تۆمارکردنی 33 خاڵ و 4 ڕیباوند و 9 ئەسیست، لە بەرامبەردا کارڵ ئانتۆنی ئەستێرەی مینیسۆتا باشترین بوو، بە تۆمارکردنی 26 خاڵ و 8 ڕیباوند و 5 ئەسیست.
ئەنجامەکانی دیکەش بەم جۆرە بوون:
واشتنتن ویزاردز 122-118 ئۆکلاهوما سیتی ساندەر
تۆرینتۆ ڕاپتەرز 95-99 فینێکس سەنز
مێمفێس گریزلیس 116-108 گۆڵدن ستەیت واریەرز
چیکاگۆ بوڵز 133-87 دیترۆیت پیستۆنز
لۆس ئەنجلس کلیپەرز 87-85 دێنڤەر ناگێتس
