لە توركیا له ئاكامی ژێرئاوكه‌وتنی به‌له‌مێكی ڕاوه‌ماسی له ئیستەنبوڵ دوو كه‌س گیانیان له‌ده‌ست دا، له‌لایه‌ن تیمه‌كانیشه‌وه 11 كه‌سی دیكە ڕزگار كراون.
بەگوێرەی هەواڵێكی ئاژانسی ئانادۆڵوی توركی كە ئەمڕۆ شەممە 10ی تشرینی یەكەم بڵاویكردووەتەوە ئەوەخراوەتەڕوو، له ئەنجامی ژێرئاوكه‌وتنی به‌له‌مێكی ڕاوه‌ماسی له ئیستەنبوڵ دوو كه‌س گیانیان له‌ده‌ست داوە تیمەكانی فریاگوزاریش توانیویانە 11 كەسی دیكە ڕزگار بكەن كە لەسەر هەمان بەلەم بوون.
كاربەدەستانی پارێزگاكە ئەوەیان ڕاگەیاندووە، نزیك كاتژمێر 04.30 له نزیك ناوچه‌ی ماسیگری كومكاپی به‌له‌مێكی ڕاوه‌ماسی به ناوی Kumsal-55 ژێرئاوكه‌وتووە.
دوای ئاگاداركردنه‌وه‌یان له ڕوداوه‌كه، تیمه په‌یوه‌ندیداره‌كان گه‌یشتنه ناوچه‌كه و توانییان له كۆی ئه‌و 13 كه‌سه‌ی له به‌مه‌له‌كه‌دا بوون 11یان ڕزگار بكه‌ن.
