بەڕێوەبەرایەتی گشتی حەج و عومرە ئاگاداری سەرجەم کۆمپانیاکانی حەج و عومرە دەکاتەوە کە ئەمڕۆ کۆتا وادە بووە بۆ وەرگرتنی تەندەر و تەنها ئەو کۆمپانیایانە مافی گواستنەوەی هاوڵاتیانیان هەیە کە ڕێکارەکانیان تەواو کردووە.
بەڕێوبەرایەتییەکە لە ڕونکردنەوەیەکدا ڕایگەیاندووە، ” دوای ئاگادارکردنەوەی سەرجەم کۆمپانیاکانی حەج وعومرە و درێژ کردنەوەی ماوەی پێشکەش کردن بۆ وەرگرتنی تەندەر و رێنمایەکانی ( گەشتی عومرە)ی وەرزی ئەمساڵ 2021 ، ئەمرۆ دووشەممە وادەی دیاریکراو کۆتایی ھات و دابەشکردنی تەندەرو رێنمایەکان لە ئەمڕۆوە کاتژمێر 12ی پاش نیوەرۆ وەستێنراوە”.
ئاماژە بەوەشکراوە “ئەو کۆمپانیانەی کە تەندەر و ڕێنمایەکانیان وەرگرتووە و مامەڵەکانیان تەواو کردووە ،تەنھا ئەوان مافی گەشت کردن و گواستنەوەی عومرەکارانیان ھەیە لەھەرێمی کوردستان ، بەپێچەوانەوە ھەرکۆمپانیایەک بەدەر لەرێنمایەکان سەرپێچی بکات ڕووبەروی یاسای دەکرێتەوە”.
