بەرپرسێکی یەکێتی رایدەگەیەنێت، یەکێتی چاوەڕوانی دیارییکردنی وادەی هەڵبژاردنی پەرلەمانی کوردستانە.
زیاد جەبار، ئەندامی سەركردایەتیی یەکێتیی نیشتمانیی کوردستان لە لێدوانێکی رۆژنامەوانیدا رایگەیاند، دواکەوتنی هەڵبژاردن بۆشاییەکى دەستوورى و یاسایى لە هەرێمى کوردستان دروستکردووە.
ئاماژە بەوەش دەکات، دواکەوتنى زیاترى هەڵبژاردن قەوارەى هەرێمى کوردستان لاوازدەکات، پێویستە بەزووترین کات وادەى هەڵبژاردن دیاریبکرێت و یەکێتی چاوەڕێى دیاریکردنى ئەو وادەیە دەکات.
زیاد جەبار، دەڵێت، یەکێتی هەمیشە وتویەتی پێویستە هەڵبژاردن ئەنجامبدرێت، مەبەستمانە بەزووترین کات ئەنجامبدرێت، حکومەتێکى نوێ پێکبهێندرێت و دامەزراوەکان کارابکرێنەوە.
