سەرۆکایەتی داواکاریی گشتی و دەستەی مافی گشتی وەڵامی داواکەی وەزارەتی ئەوقاف و کاروباری ئاینی دایەوە و سکاڵاکەی لەسەر پیر لوقمان جوڵاند.
پیر لوقمان، سەرۆکی ناوەندی زەردەشتیانی کوردستان، پێشتر لەسەر کەسایەتی ئاینی ئیسلام “سەڵاحەدینی ئەیوبی” قسەیکردبوو و ڕایگەیاندبوو کە دژی هەوڵەکانی ئەو سەرکردە ئیسلامییە لە مێژوودا.
سەرۆکی ناوەندی زەردەشتیانی کوردستان لەبارەی لێدوانەکەیەوە لەسەر سەڵاحەدینی ئەیوبی، کە سەرکردەیەکی ئیسلامییە لە مێژوودا بۆ ئێستا قسەیکرد و ڕایگەیاند، “ئەوەی وتوومە پشتبەستوو بووە بە ئەو مێژووەی کە سەڵاحەدینی ئەیوبی تۆماریکردووە، چونکە یەکەم دابەشکردنی کوردەکان لە مێژوودا لەسەر دەستی سەڵاحەدینی ئەیوبی بووە”.
بە بڕوای سەرۆکی ناوەندی زەردەشتیانی کوردستان، سەڵاحەدینی ئەیوبی ڕاستە کوردە، بەڵام “کارەکانی نە بووەتە سمبولێکی کوردانە نە بووەتە سمبولێکی ئاینیش، چونکە ناوی سەڵاحەدینی ئەیوبی تەنها وەک جەنگاوەرێکی ئیسلامی ناوی دەبرێت، لە کاتێکدا عەرەب دانی بەوەدا نەناوە کە سەڵاحەدینی ئەیوبی کوردبێت.
