ئاژانسێكی هەواڵی سوری ئاشكرایكردووە، “هێزەكانی ئەمریكا سەدان تانكەری نەوتیان لە سوریاوە گواستوەتەوە بۆ عێراق.
لە هەواڵێكیدا ئاژانسی هەواڵی سوری “سانا” ڕایگەیاندووە، “هێزەكانی ئەمریكا دوێنێ سێشەممە 300 تانكەری پڕ لە نەوتی دزراوی كێڵگە نەوتییەكانی سوریایان گواستوەتەوە بۆ نێو خاكی عێراق”.
ئاژانسەكە ئەوەشی خستوەتەڕوو، “ئەو تانكەرانە لەڕێگای خاڵی سنووری وەلیدەوە براونەتە عێراق”.
پێشتر سانا ئاماژەی بەوەكردبوو، هێزەكانی ئەمریكا بەردەوامن لە گواستنەوەی نەوتی حەسەكە بۆ عێراق لەماوەی مانگی ڕابردوودا.
