دوو كەس بەتۆمەتی تەقەكردن لەسەر شاخی گۆیژە لە سلێمانی لەلایەن هێزەكانی پۆلیسەوە دەستگیركران.
بەڕێوبەرایەتی پۆلیسی پارێزگای سلێمانی ئەمڕۆ دووشەممە 22ی ئازار بڵاویكردەوە، مەفرەزەكانی بەشی پۆلیسی نەهێشتنی تاوانی سلێمانی كە لەناو شار و ناوچە گەشتیارییەكان بڵاوەیان پێكرابوو، دوێنێ دوو تۆمەتباریان دەستگیركرد كە لەناو شاری سلێمانی و شاخی گۆیژە تەقەیان كردبوو.
ئاشكراشیكرد، لەكاتی دەستگیركردنی تۆمەتباراندا دەستگیرا بەسەر ئۆتۆمبێلێکی بێ سەرەتا و چەكێك لە جۆری دەمانچە كە بە تۆمەتباران بووە.
پۆلیسی سلێمانی ڕونیشیكردوەتەوە، لەئێستا هەریەك لە تۆمەتباران (م.أ.م.) لەدایكبووی 2003 و (ش.أ.ر.) لەدایكبووی 2001 بە بڕیاری دادوەر ڕاگیراون و لێكۆڵینەوە لەگەڵیان بەردەوامە.
