ڕاهێنەری یانەی ڕیاڵ مەدرید، زینەدین زێدان پەیامێک لەبارەی کەریم بنزیمەوە ئاڕاستەی دیدێ دیشامپی ڕاهێنەری هەڵبژاردەی فەرەنسا دەکات.
لە کۆنگرەیەکی ڕۆژنامەوانیدا زێدان ئاماژە بە ئاستی کەریم بنزیمە و بەردەوامبوونی لە تۆمارکردنی گۆڵ دەکات و دەڵێت، ” چۆن لەوە تێبگەین کە بنزیمە بەم ئاستە بەرزەوە بانگهێشتی هەڵبژاردەی فەرەنسا ناکرێت، خەڵکێکی زۆر لەم بابەتە تێناگەن، بەڵام من وەک ڕاهێنەری ڕیاڵ مەدرید خۆشحاڵم و دەشزانم بەباشترین شێوە ئەرکەکانی لەناو یاریگا جێبەجێدەکات”.
لە وەڵامی پرسیارێکیشدا لەبارەی سێرجیۆ ڕامۆس و پەیوەندیکردنی بە هەڵبژاردەی ئیسپانیاوە، دەڵێت، ” پەیوەندی بە هەڵبژاردەی ئیسپانیاوە دەکاتەوە، لە ماوەی پێنج ڕۆژدا دەگەڕێتەوە سەر یاریکردن و ئێمە کێشەیەکمان نییە، پێموابێت ئەوە بۆخۆشی بەسوودە”.
زێدان بە لێدوانەکانیدا پەیامێک ئاڕاستەی دیدێ دیشامپی ڕاهێنەری هەڵبژاردەی فەرەنسا دەکات، کە ماوەی چەند ساڵێکە بنزیمەی لە پێکهاتەکانی دوورخستووەتەوە و ئامادەش نییە جارێکی دیکە بانگهێشتی بکاتەوە.
