کریستیانۆ ڕۆناڵدۆی پورتوگالی پێش تەواو بوونی یارییەکەى مانچستەر یونایتد و تۆتنهام بە چوار خولەک یاریگاى جێهێشت.
جێهێشتنی یاریگاى ئۆڵدترافۆرد پاش ئەوە هات کە تین هاگ بەشداری یارییەکەى پێنەکرد و تا کۆتایی لەسەر کورسی یەدەگ داینابوو.
رۆناڵدۆ کە زانی تین هاگ نیازی نییە بەشداری پێبکات، دەستبەجێ یاریگاى جێهێشت و چووە ژوری خۆگۆڕین.
بە پێی ڕاگەیاندنەکان، لە ژووری خۆگۆڕینیش نەماوە و لەوێوە بەرەو ماڵەوە بەڕێکەوتووە.
پاش یارییەکە تین هاگی ڕاهێنەری مانچستەر یونایتد ڕایگەیاند: بینیومە کە ڕۆناڵدۆ ڕۆیشتوە بەڵام دواتر چارەسەری دۆخەکە دەکەم، ئێستا کاتی ئەوەیە چێژ لە بردنەوەکەمان بەسەر بەرین.
مانچستەر یونایتد بەو بردنەوەیە سەرکەوتنی بۆ پلەى پێنجەمی ڕیزبەندی خولی ئینگلتەرا مسۆگەرکرد.
