مارکۆ ڤیراتی، ئەستێرەی ئیتاڵی یانەی پاریس سانت جێرمان پێگەی نێیمار لە یانەکەیان بە گرنگ وەسفدەکات و دەڵێت: ئامانجی گەورەمان هەیە.
یاریزانە ئیتاڵیەکە لە کۆنگرەیەکی ڕۆژنامەوانیدا دەڵێت، ” نێیمار هەمیشە بەهێزەوە دەردەکەوێت، تەنانەت دوای پێنج هەفتە دابڕانی لە یاریکردن پێموایە هێشتا باشترینە، گرنگترینی یانەکەمانە و بە پەرۆشەوە چاوەڕوانی گەڕانەوە و ئامادەبوونی دەکەین لە ڕوبەڕوبوونەوەکانی داهاتوو”.
هەروەها دەڵێت، ” ئێمە وەک کۆمەڵەی یاریزانان ئامانجی گەورەمان هەیە، دەشزانین کە باشترین پێکهاتەمان هەیە و هێندەمان نەماوە ببینە باشترینی ئەوروپا و جیهان”.
ڕۆژنامەی لیکیپی فەرەنسی لێدوانەکانی ڤیراتی بە پەیامێک دەشوبهێنێت بۆ یانە داواکارەکانی نێیمار و تیایدا دووپاتیدەکاتەوە، یاریزانانی پاریس هەستدەکەن لە یانەیەکی گەورەن و بیر لە ڕۆیشتن ناکەنەوە.
