وەزارەتی تەندروستیی هەرێم ڕایدەگەیەنێت، لە 24 كاتژمێری ڕابردوودا 512 توشبووی نوێ بە كۆرۆنا تۆماركراوە.
وەزارەتەكە ئەمڕۆ پێنجشەممە 18ی ئازار ئاماری نوێی كۆرۆنای بڵاوكردەوە و ڕایگەیاند، لەماوەی 24 كاتژمێری ڕابردوودا حەوت هەزار و 720 پشكنینی نوێ ئەنجامدراوە و لەو ژمارەیە 512 توشبوو تۆماركراون.
هەر بەپێی ڕاگەیەنراوەكە 231 توشبوو چاكبوونەتەوە و دوو توشبووش لە هەولێر گیانیان لەدەستداوە.
كۆی گشتیی توشبووانی كۆرۆنا لە هەرێم گەیشتە 114 و 510 كەس لەو ژمارەیە 106 هەزار و 323 توشبوویان چاكبوونەتەوە و سێ هەزار و 579 توشبووش گیانیان لەدەستداوە.
