بەیانی ئەمڕۆ لەسەر رێگای کەلار – کفری بەرامبەر ناحیەی رزگاری رووداوێکی هاتوچۆ روویدا و بەهۆیەوە پێنج کەس بریندار بوون.
بەڕێوەبەرایەتیی هاتوچۆی گەرمیان بڵاویکردەوە، “بەیانی ئەمڕۆ ئۆتۆمبێلێکی جۆری کیا مەنگوری بە ئاراستەی قەزای کفری رۆیشتقوە لە بەرامبەر ناحیەی رزگاری کۆنتڕۆڵی لەدەستداوە و خۆی بەستونێکی نێوان هەردوو شەقامەکەدا کێشاوە، بەهۆیەوە شۆفێر و چوار سەرنشینی برینداربوون و زیانی ماددیش بەر ئۆتۆمبێلەکە و ستونەکەش کەوتووە”.
ئاماژەی بەوەشکرد، “سەرجەم بریندارەکان گەیەنراونەتە نەخۆشخانەی فریاکەوتنی شەهید هەژار لە کەلار و دەستکراوە بە لێکۆڵینەوە لە رووداوەکە”.
