وتەبێژی بەڕێوبەرایەتی پۆلیسی پارێزگای دهۆک ڕایگەیاند، شەوی ڕابردوو 3 ی تشرینی یەکەم لە دوو گەنج لەلایەن چەند کەسێکەوە بە سەختی بریندار کراون و ئەمڕۆ یەکێک لەو گەنجانە گیانی لە دەستداوە.
هێمن سلێمان، وتەبێژی پۆلیسی دهۆک ڕایگەیاند، “شەوی ڕابردوو لە گەڕەکی شندوخا شەڕێک لە نێوان چەند کەسێکدا درووستبووە و دوو گەنج بە سەختی لەلایەن چەند کەسێکەوە بریندار کراون و گەیەندراونەتە نەخۆشخانە”.
وتەبێژی پۆلیسی دهۆک ئاماژەی بەوەشکردووە، “ئەمڕۆ بکوژ و تۆمەتباران خۆیان ڕادەستی پۆلیس کردووە و دانیان بە تاوانەکەیاندا ناوە و لێکۆڵینەوە لە ڕووداوەکە بەردەوامە”.
پۆلیسی دهۆک ئاشکراشیکردووە، “بکوژ و تۆمەتباران بە مادەی 405 لەلایەن پۆلیسەوە ڕاگیراون و خۆشیان دانیان بە تاوانەکەیاندا ناوە”.
