ئێوارەی ئەمڕۆ، یەکشەممە بەهێزترین ڕوبەڕوبوونەوەی خولی پلە یەکی ئیسپانیا لە نێوان یانەکانی ڕیاڵ مەدرید و ئەتلەتیکۆ مەدرید ئەنجامدەدرێت.
دێربی مەدرید لەم وەرزەدا یەکلاکەرەوە دەبێت، ئەوەش بۆ نزیکی یانە ڕکابەرەکان دەگەڕێتەوە بۆ نازناوی لالیگا، ئەتلەتیکۆ مەدرید خاوەنی 58 خاڵە، ڕیاڵ مەدرید 53 خاڵ، لە پلەی دووەمدا یانەی بەرشلۆنە بە 56 خاڵەوە چاوەڕوانی ئەنجامەکە دەکات.
لە ئەگەری یەکسانبوون و بردنەوەی هەر یەکێک لە یانەکان بەرشلۆنە سودمەند دەبێت.
بەهۆی هەستیاری یاریزانان بەرانبەر یەکدی، ئەمڕۆ لەڕووی هونەریەوە چوار ڕوبەڕوبوونەوە تاکە کەسی لەنێو یارییەکەدا ڕوودەدات.
بنزیمە و ساڤیچ: لە ڕیاڵ مەدرید هەریەک لە هازارد و ماریانۆ و کارڤاخال و ڕامۆس بەشداریناکەن، بەم هۆیەوە چاوەکان دەخرێنە سەر کەریم بنزیمەی هێرشبەری فەرەنسی شاهانە، لەلایەنی ئەتلەتیکۆ مەدریدیشەوە ستیفان ساڤیچی مۆنتینیگری کە تەمەنی 30 ساڵە ئەرکی ڕاگرتنەوەیی لە ئەستۆیە.
کرۆس و کوکی: ڕوبەڕوبوونەوەی نێوان تۆنی کرۆس و کوکی ڕوبەڕوبوونەوەی دوو باشترینی لالیگایە و لە هێڵی ناوەند هاوسەنگی یانەکان یەکلاییدەکاتەوە، هەردوو یاریزان ئەرکیان پچڕاندنی تۆپ و بونیادنانی هێرشەکانە.
فیلێکس و کاسیمێرۆ: جواو فیلێکس بە جموجۆڵی بەردەوام و هونەرە بەرزەکەی ناسراوە، ئەمڕۆ لە قوڵایی ناوەندەوە بەشداری هێرشەکان دەبێت و کاسیمێرۆ لە پێکهاتەی شاهانە ئەرکی ڕاگرتنی دەبێت.
سوارێز و ڤاران: یەکێک دەبێت لە بەهێزترین ڕوبەڕوبوونەوەکانی یاری دێربی، پێشتر هەردوو یاریزان، ڕافائێل ڤاران و لویس سوارێز چەندینجار بەرانبەر یەکدی یارییان کردووە، کێشەی ڤاران لەوەدایە ئەمشەو بەتەنها ڕوبەڕوی “پێستۆلێرۆ” دەبێتەوە، چونکە ڕامۆس پێکراوە.
پێکهاتەی چاوەڕوانکراوی ئەتلەتیکۆ مەدرید
گۆڵپارێز: ئۆبلاک
بەرگری: ساڤیچ، فیلیپی، هێرمۆسۆ
ناوەند: کوکی، کاراسکۆ، لۆرێنتی، کیران تریپێر
هێرشبەر: سوارێز، جواو فیلێکس، ئەنخێل کۆریا
پێکهاتە چاوەڕوانکراوی ڕیاڵ مەدرید
گۆڵپارێز: کۆرتوا
بەرگری: مێندی، ناچۆ، ڤاران، ڤاسکێز
ناوەند: کاسیمێرۆ، کرۆس، مۆدریچ
هێرشبەر: ڤینیسیۆز، بنزیمە، ئاسیسنیۆ
