پاپا فرانسیس دوای گەیشتنی بە فڕۆکەخانەی نێودەوەڵەتیی هەولێر لەگەڵ مەسعود بارزانی، سەرۆکی پارتی دیموکراتی کوردستان کۆبووەوە و ڕایگەیاند کە کوردستانی بیرنەچووە و لەکاتی شەڕی داعشدا کوردستان کریستیانەکانی پاراست.
بەپێی ڕاگەیەندراوی کۆبوونەوەکە کە میدیاکانی پارتی دیموکراتی کوردستان بڵاویانکردەوە پاپا فرانسیس بە مەسعود بارزانی ڕاگەیاندووە، ” ئێوه له‌كاتی هێرشه‌كانی داعش كریستیانه‌كانتان پاراست، ئێوه وه‌ك برا پێشوازیتان لە برا كریستیانه‌كان كرد”.
پاپا فرانسیس لە کۆبوونەوەکەدا وتویەتی، ” كوردستانم له‌بیر نه‌چووه، له‌سه‌ر داخوازی ئێوه و سه‌رۆكی حكومه‌تی هه‌رێم هاتوومه‌ته ئێره و سه‌ردانه‌كه‌ی ئێوه و سه‌رۆك وه‌زیرانم له‌بیر نه‌چووه، ئێوه نه‌ك پێشوازی له‌من، پێشوازیشتان له كریستیانه‌كانیش كرد”.
ئاماژەی بۆ ئەوەشکردووە کە لەسەر بانگهێشت و بەهۆی سەردانەکەی مەسعود بارزانی و مەسرور بارزانی سەرۆکوەزیرانی هەرێمی کوردستانەوە هاتووەتە هەرێمی کوردستان.
لەلایەکی دیکەوە مەسعود بازرانی پێیڕاگەیاندووە، ” بەناوی هەموو پێکهاتەکانی کوردستان پێشوازیت لێدەکەین و سەردانەکەی ئێوە جێگەی ڕێزی زۆری ئێمەیە”.
