وەزارەتی كشتوكاڵ شەش ڕێكاری بۆ ڕێگریكردن لە تای خوێنبەربوون بڵاوكردەوە

وەزارەتی كشتوكاڵی هەرێم شەش ڕێكاری گرنگ بۆ ڕێگریكردن لە تای خوێنبەربوون بڵاوكردەوە

بەپێی ڕاگەیەندراوێكی وەزارەتی كشتوكاڵ و سەرچاوەكانی ئاوی هەرێم تێیدا هاتووە، لە پێناو ڕێگریكردن لە بڵاوبوونەوەی تای خوێنبەربوون لە هەرێمی كوردستان، كە ئێستا لە هەندێك لە پارێزگاكانی عێراقدا بڵاوبووەتەوە، بڕیاردراوە چەند ڕێكارێك بگیرێتەبەر.

لەوانە:-

یەكەم/ پێویستە سەربڕین لە سەربڕخانە فەرمییەكان بێت و بەپشكنین و مۆری فەرمیی ڤێتێرنەری بچێتە بازاڕ و سەربڕین لەسەر ڕێگەكان و لاكۆڵانەكان قەدەغەبكرێن.

دووەم/ پشكنینی ئاژەڵەكان پێش سەربڕین و دوای سەربڕین بەمەبەستی دڵینابوون لەتەندروستیی ئاژەڵەكە ئەنجامبدرێت.

سێیەم/ پێویستە ڕێكارە تەندروستییەكان بۆ پۆشینی جلوبەرگی تایبەتمەند و كەلوپەلی سەربڕین لەسەربڕخانەكاندا ڕەچاوبكرێت.

چوارەم/كەرەنتیەنەكانی ئاژەڵ لە دەروازە و فڕۆكەخانەكاندا و پێویستە پشكنینی وورد بۆ ئەو ئاژەڵانە بكەن كە دەهێندرێنە هەرێمی كوردستان بۆ مەبەستی دڵنیابوون لە تەندروستیی ئاژەڵەكان.

پێنجەم/ وەزارەتی كشتوكاڵ ڕێكاری پێویست دەگرێتەبەر بۆ مەبەستی دابینكردنی دەرمانی شووشتنی ئاژەڵ بۆ لەناوبردنی مشەخۆری دەرەكی (قڕنە) كە هۆكاری سەرەكیی گواستنەوەی تای خوێنبەربوونە لە نێوان ئاژەڵەكان و ئەم هەلمَەتە لەسەر ئاستی هەرێمی كوردستان ئەنجامدەدرێت.

شەشەم/ كۆنتڕۆڵكردنی دیاردەی هێنانی ئاژەڵ بەشێوەی نافەرمی لە سنوورەكانی دەرەوە و نێوان هەرێم و عێراقی فیدراڵ، هەروەها ڕێگەگرتن لە هێنانی ئاژەڵ لەو پارێزگایانەی كە نەخۆشی تای خوێنبەربوونی تێدا بڵاوبووەتەوە.

بابەتی پێشتر

تۆمەتبارێك لەكاتی دەستگیركردنیدا ڕووبەڕووی ئاسایشی سلێمانی بووە و كوژرا

بابەتی دواتر

كەی جەژنە؟.. وەزارەتی ئەوقاف ڕوونكردنەوە دەدات

بابەتی پەیوەندیدار
زیاتر ببینە

پەرلەمانتارێک: ئەو پارەیەی بەهۆی ڕاگرتنی پلەبەرزکردنەوە لای حکومەتە نزیکەی سێ تریلیۆن دینارە

عومەر گوڵپی ئەندامی پەرلەمانی کوردستان سەبارەت بە ڕاگرتنی پلەبەرزکردنەوەی فەرمانبەرانی هەرێمی کوردستان ڕایگەیاند، بڕیارەکەی ئەنجومەنی وەزیران نایاساییە و…
Total
0
Share