ئەوقافی هەولێر: پێغەمبەر فێریکردووین بەڕێزبین لەگەڵ غەیرە موسڵمان

بەڕێوەبەرایەتی ئەوقافی پارێزگای هەولێر ڕایگەیاند، بەخێرهاتنی پاپای ڤاتیکان دەکەن بۆ شاری هەولێر و لەژێر ڕۆشنای فەرمودەکانی پەیامبەری ئیسلامدا دەبێت ڕێز لە هاتنی ئەو کەسایەتییە مەسیحییە بگرن.

لە ڕاگەیەندراوێکدا بەڕێوبەرایەتی ئەوقافی هەولێر دەڵێت، ” پڕ بەدڵ  بەخێرهاتنی  پاپای ڤاتیکان  دەکەین  بۆ شاری هەولێری برایەتی  و ئاشتی و پێکەوەژیان، ئاينی پيرۆزی ئيسلام و فەرمايشتەکانی پێغەمبەرمان حەزرەتی محمد (د.خ) فێری کردووين هەڵسوکەوت و داب و نەریتمان جوان و بەڕێز بێت لەگەڵ غەيری موسڵمانان و بەهەموو شێوازێک  يەکتر  پەسند بکەين لەسەر بنەمای مرۆڤايەتی و برايەتی و تەبایی و پێکەوەژیانی پێکهاتە نەتەوەیی وئایینیەکاندا،  بە شێوازێکی جوان و زۆر بەڕێزەوە پێشوازيان لێ بکەين ، هەروەک پێغەمبەرمان (د.خ) لە شاری مەدينە بە ڕێزەوە پێشوازی لە شاندی کريستيانەکانی حەبەشە و نەجران کرد”.

ئەوقافی هەولێر ئاماژە بەوەشدەکات، “هاتنی پاپای ڤاتيکان بۆ هەرێمی کوردستان گرنگی خۆی هەيە و ئەم ڕاستيە بۆ هەموو جيهان دەردەخات کە کوردستان نموونەی جوانی ئاشتی و برایەتی و تەبایی و پێکەوە ژيان و يەکترپەسندکردنی پێکهاتە ئاين و ئاينزاکانە”.

بڕیارە سبەی یەکشەممە ٧ی ئازار، پاپا فرانسیس سەردانی هەولێر بکات لە هەرێمی کوردستان.

بابەتی پێشتر

داهاتی خاڵە سنوورییەكانی عێراق بۆ مانگی ڕابردوو نزیكەی 100 ملیار دینار بووە

بابەتی دواتر

حكومەتی هەرێم: هەموو ژمارە و داتاكانی تایبەت بە داهات و خەرجی پێشكەش بە بەغداد كراون

بابەتی پەیوەندیدار
Total
1
Share