باشترین پێکهاتەی ئەم هەفتەیەی پریمەرلیگ

پێگەی “who scored”ی بەریتانی تایبەت بە داتا و ئامارە وەرزشییەکان، پێکهاتەی باشترینەکانی ئەم هەفتەیەی خولی نایابی ئینگلیزی بڵاوکردەوە.

بەپێی داتا کۆکراوەکان، لە پێگەی گۆڵپارێز ئیمیلیانۆ مارتینێزی گۆڵپارێزی یانەی ئەستۆن ڤێلا باشترین بووە.

لە پێگەی بەرگری هەریەک لە جوێل ڤیڵتمان (برایتۆن)، یواکیم ئاندێرسین (فولهام)، کایل بارتلی (وێست برۆمیچ)، لوک شاو (مانچستەر یونایتد) دیاریکراون.

لە هێڵی ناوەند، ئاداما تراوری (وڵڤەرهامپتن)، برونۆ فێرناندێز (مان یونایتد)، جەیمس مادیسن (لیستەر سیتی)، ڕەحیم ستێرلینگ (مانجشتەر سیتی) ناویان هاتووە.

لە پێگەکانی هێڵی هێرشبەریشدا یاریزانان فیڵ فۆدین (مانچستەر سیتی) و هاری کەین لە (تۆتنهام) وەک باشترینەکان دیاریکراون.

دیاریکردنی یاریزانان لە پێگەی “who scored” هەڵبژاردنێکی داتاییە و پشت بە ژمارە تۆمارکراوەکانی ئەو یاریزانانە دەبەستێت، کە لە ماوەی هەفتەیەکی چالاکیەکانی پریمەرلیگ و بەدەر لە خول و جامەکانی دیکە باشترین ئاستیان تۆمارکردووە.