خوان لاپۆرتا، یەکێک لە کاندیدە سەرەکییەکان بۆ پۆستی سەرۆکایەتی یانەی بەرشلۆنە دەستگیرکردنی سەرۆکی پێشووی یانە بە کێشە ناودەبات.
لەم بارەیەوە خوان لاپۆرتا بە موندۆ دیپۆرتیڤۆی ڕاگەیاند، “دەستگیرکردنی بارتۆمیو هەرگیز هەواڵێکی خۆش نییە، حەزم نەدەکرد گوێبیستی بابەتێکی هاوشێوەبم بەتایبەت لەم ڕۆژانەی ئەمڕۆماندا، ڕاستە ئیدارەیەکی باشی یانەکەی نەکردووە، بەڵام هێشتا سەرۆکی یانەیە، هەواڵەکە شۆکهێنەربوو و سوود بە بارسا ناگەیەنێت، بە پێچەوانەوە کێشەکان قوڵتر دەکاتەوە”.
لاپۆرتا پارێزەرێکی سەربەخۆیە و بەردەوام لە دژی ئیدارەی بارتۆمیو بووە، بەڵام لەئێستادا بە دەستگیرکردنی ئەندامانی ئەنجومەنی پێشووی یانە خۆشحاڵ نییە و پێی وایە کاریگەری لەسەر هەر کەسایەتیەکی دیکە دەبێت لە پۆستەکەدا.
