ڕابەری ڕەوتی سەدر لە عێراق هەڕەشە دەکات ئەگەر ڤاکسینی کۆرۆنا وەک ئێستا “کەمتەرخەمی تێدا بکرێت” لە هەڵبژاردندا هێرشێکی توند دژی کەمتەرخەمەکان دەکەن.
موقتەدا سەدر، لە تویتێکدا ڕایگەیاندووە، ” کەمتەرخەمیی ئاشکرا، لەبارەی ڤاکسینی کۆرۆنا، لەلایەن حکومەتەوە هەیە، ئەگەر لە کاتی خۆیدا نەگات، بانگەشەیەکی توندی هەڵبژاردن لەسەر ئەو بابەتە دەست پێدەکەین”.
لەسەر دابەشکردنی ڤاکسینەکە سەدر ڕایگەیاندووە، “دەبێت دابەشکردنی ڤاکسین لە ناوچە هەژارەکانەوە دەستپێبکات و کاتێک ڤاکسین بەبێ بەرامبەر دەدرێتە هاوڵاتییان، مانای ئەوە نییە دەستی گەندەڵکارانی تێدا نییە و پارەی گەل نادزن، یان لە بازاڕ نایفرۆشن، یاخود بەشێوەیەکی نایاسایی نایدەن بە خەڵک”.
ڕۆژی یەکشەممەی ڕابردوو لە وڵاتی چینەوە 50 هەزار ژەمە ڤاکسینی کۆرۆنا گەیشتە عێراق و بڕیارە بە بەرنامەیەک کە بەتەمەنەکان و کارمەندانی تەندروستی دەگرێتەوە دابەشبکرێت.
