نرخی نەوت بەهۆی بەرزبوونەوەی دۆلار دابەزی

نرخی نەوت، ئەمڕۆ چوارشەممە 17ی شوبات دابەزی، ئەمەش بەهۆی بەرزبوونەوەی نرخی دۆلاری ئەمریکی و بەرزبوونەوەی بەرهەمی کێڵگە نەوتییەکانی نەوت و گاز لە تەکساس کە گەورەترین ویلایەتی بەرهەمهێنەری نەوتە لەو وڵاتەدا.

نرخی بەرمیلێک نەوتی خاوی برێنت لە بازاڕەکانی جیهاندا ئەمڕۆ بە بڕی 40 سەنت و ڕێژەی %0.6 دابەزی و نرخەکەی گەیشتە 62.95 دۆلار.

هەروەها نرخی بەرمیلێک نەوتی خاوی تەکساس، 33 سەنت و بەڕێژەی %0.6 دابەزی و نرخەکەی بووبە 59.72 دۆلار، ئەمەش کەمبوونەوەی نرخەکەیەتی دوای ئەوەی دوێنێ سێشەممە بەرزترین ئاستی تۆمارکرد و گەیشتە 60.95 دۆلار.

لەوبارەیەوە ستیڤن ئینیس، گەورە شیکەرەوەی بازاڕی Axi دەڵێت، “نەوت بەردەوام دەبێت لە دابەزین لەگەڵ بەهێزبوونی دۆلاری ئەمریکی و بەرزبوونەوەی بەهاکەی هەروەها بەرزبوونەوەی یەدەگ و گەنجینەی ئەمریکا”.

بابەتی پێشتر

گەرمیان.. لە ڕوداوێكی هاتوچۆدا كەسێك گیانی لەدەستدا

بابەتی دواتر

"ڕەشەبا" نەیهێشت هاوڵاتییانی سلێمانی چاویان بچێتە خەو

بابەتی پەیوەندیدار
زیاتر ببینە

نرخی دراوە بیانییەکان

نرخی دراوە بیانییەكان بۆ ئەمڕۆ شەممە 27ی شوبات، لە بازاڕەكانی هەرێم بڵاوکرایەوە، تا کاتی ئامادەکردنی ئەم هەواڵە نرخی…
Total
0
Share