هۆشیار زێباری، ئەندامی مەكتەبی سیاسیی پارتی دیموكراتی كوردستان، هەڕەشەی سزادانی ئەنجامدەرانی موشەكبارانەكەی هەولێر دەكات.
كەمێك لەمەوبەر، چەند موشەكێك لە شاری هەولێر كەوتنەخوارەوە. دوو لە موشەكەكان فڕۆكەخانەی نێودەوڵەتیی هەولێریان كردە ئامانج و موشەكێكی تریان بەسەر فڕۆكەخانەكەدا تێپەڕی.
موشەكێك لە گەڕەكی وەزیرانی شاری هەولێر و دانەیەكی تریشیان لە نازستی كەوتەخوارەوە. بەگوێرەی زانیارییەكان، چەند هاوڵاتییەك بەهۆی موشەكبارانەكەوە برینداربوون و یەكێكیان قاچی پەڕیوە، زیانی مادییش بەر شەقامەكان و ماڵ و ئۆتۆمبیلی هاوڵاتییان گەیشتووە.
دوای ڕوداوەكان، هۆشیار زێباری، ئەندامی مەكتەبی سیاسیی پارتی دیموكراتی كوردستان لە تویتێكدا ڕایگەیاند، “ئەمشەو پێنج موشەكی كاتیۆشا شاری هەولێر و چەند شوێنێكی دیپلۆماتی و نیشتەجێبوونیان كردەئامانج، خۆشبەختانە كوژراو نییە.”
زێباری لە تویتەكەیدا دەڵێت، “هێزە ئەمنییەكان لێكۆڵینەوە لە سەرچاوەی هێرشەكان دەكەن و ئەنجامدەران سزادەدرێن.”
Tonight five #katyosha rockets have targeted #Erbil city and some diplomatic facilities & residential area.:Luckily No fatalities but an escalation. #KRG security checking the source of the attacks and there will be consequences against the culprits.This aggression will not stand
— Hoshyar Zebari (@HoshyarZebari) February 15, 2021
