وەزارەتی ناوخۆ داوایەك ئاڕاستەی هاوڵاتییانی هەولێر دەكات

وەزارەتی ناوخۆی حکومەتی هەرێمی کوردستان، ڕاگەیەندراوێکی لەبارەی كەوتنەخوارەوەی چەند موشەكێك لە شاری هەولێر بڵاوكردەوە.

لە ڕاگەیەندراوەكەدا وەزارەتی ناوخۆ دەڵێت، “بەداواچون و لێکۆڵینەوەی ورد لە لایەن دامودەزگا ئەمنییەکانەوە دەستی پێکردووە.”

لە كۆتایی ڕاگەیەندراوەكەدا، وەزارەتی ناوخۆی هەرێمی كوردستان داوا هاوڵاتییانی شاری هەولێر دەكات لەو شوێنانە دووربکەنەوە كە بوونەتە ئامانجی موشەكەكان و لە ماڵەکانیان بمێننەوە “تا دواتر زانیاریی زیاتر بڵاودەکەینەوە.”

دەقی ڕاگەیەندراوەكە:-

ڕاگەیەندراوێک لە وەزارەتی ناوخۆی حکومەتی هەرێمی کوردستانەوە

کاتژمێر 9:30 ئەمشەو دووشەممە 2021/2/15 چەند مووشەکێک ئاراستەی شاری هەولێر و دەوربەری كران و بەر چەند شوێنێک کەوتن. لە ئەنجامدا بە پێی زانیارییە سەرەتاییەکان، چەند کەسێک برینداربوون. بەداواچون و لێکۆڵینەوەی ورد لە لایەن دامودەزگا ئەمنییەکانەوە دەستی پێکردووە.

داوا لە هاووڵاتییانی خۆشەویستی شاری هەولێر دەکەین لەو شوێنانە دووربکەنەوە و لە ماڵەکانیان بمێننەوە تا دواتر زانیاری زیاتر بڵاودەکەینەوە.

وەزارەتی ناوخۆی حکومەتی هەرێمی کوردستان

بابەتی پێشتر

هۆشیار زێباری: تاوانبارانی موشەكبارانەكە بەسزای خۆیان دەگەن

بابەتی دواتر

پارێزگاری نەینەوا: موشەكەكان لای ئێمەوە نەنراون بە هەولێرەوە

بابەتی پەیوەندیدار
زیاتر ببینە

نێچیرڤان بارزانی: له‌م کاته‌ سه‌خته‌دا بیرمان له‌گه‌ڵ سه‌رکردایه‌تی و گه‌لی ئێرانی دۆست و دراوسێدایه‌

سەرۆکی هەرێم رایدەگەیەنێت، له‌م کاته‌ سه‌خته‌دا بیرمان له‌گه‌ڵ سه‌رکردایه‌تی و گه‌لی ئێرانی دۆست و دراوسێدایه‌. لە بارەی ئەو…
Total
0
Share