سەرۆکی ئەمریکا، دۆناڵد ترەمپ، شەوی ڕابردوو یەکشەممە 3ی تشرینی یەکەم، نەخۆشخانەی واڵتەر ڕیدی بەجێهێشت، بەمەبەستی سەردانکردنی ئەو کەسانەی کە پاڵپشتی دەکەن.
دۆناڵد ترەمپی سەرۆکی ئەمریکا، بەمەبەستی سەردانکردنی ئەو کەسانەی پاڵپشتی دەکەن و لەدەرەوەی نەخۆشخانەی واڵتەر ڕید کە ترەمپی تێدا چارەسەر دەکرێت کۆبوبوونەوە، بۆ ماوەیەکی کەم نەخۆشخانەکەی بەجێهێشت.
لەو گرتە ڤیدیۆییانەی بڵاوکراونەتەوە، دۆناڵد ترەمپ بە ماسکێکی خۆپارێزی لە کۆرۆنا کە ڕەنگەکەی ڕەشە دەردەکەوێت، لە ناو ئۆتۆمبێلەکەیەوە سڵاو لەو کەسانە دەکات کە هاتوونەتە دەرەوە بۆ پاڵپشتیکردنی.
President Trump, wearing a mask, rides by his supporters outside Walter Reed while in the back of a Suburban. pic.twitter.com/nsCJyYXHdK
— Kaitlan Collins (@kaitlancollins) October 4, 2020
لە گرتەیەکی ڤیدیۆیی دیکەدا کە دۆناڵد ترەمپ کەمێک بەر لە چوونە دەرەوەی لە نەخۆشخانەی واڵتەر ڕید لە هەژماری فەرمیی خۆی لە تۆڕی کۆمەڵایەتیی تویتەر بڵاویکردەوە دەڵێت، “لە نەخۆشخانە دەچمە دەرەوە بۆ سەردانکردنی ئەوانەی بۆ پاڵپشتی کردنم لەبەردەم نەخۆشخانەکە کۆبوونەتەوە”.
