سەرۆکی فراکسیۆنی یەکێتی لە ئەنجومەنی نوێنەرانی عێراق ئاشکرایدەکات، کۆبوونەوەکانی نێوان هەرێمی کوردستان و بەغداد بە باشی بەڕێوەناچن و دەبێت دەستکاری پڕۆژەیاسای بودجە بکرێت.
هەرێم کەمال ئاغا، سەرۆکی فراکسیۆنی یەکێتی لە ئەنجومەنی نوێنەرانی عێراق ڕایگەیاند، لە کۆبوونەوەی ئەمڕۆی نێوان وەفدی باڵای هەرێمی کوردستان و حکومەتی عێراق هیچ ڕێککەوتنێک نەکراوە و ئەنجامێکی باشی نەبووە، بە گشتیش کۆبوونەوەکانی نێوان هەرێمی کوردستان و بەغداد بە باشی بەڕێوەناچن.
وتیشی، ڕەشنووسی بودجەی عێراق لە بەرژەوەندی کورد نییە و دەبێت هەرچی زووە دەستکاری بکرێت پێش ئەوەی بگاتە ئەنجومەنی نوێنەرانی عێراق
